என்னுல்லம் கவர்ந்த மலர்கள் 1

                 

                சிலநாட்களும் முன் மருவத்தூர் , விக்கிரவாண்டி  ஆகிய பகுதிகளில் பயணத்தின் போது வழியில் இந்த மலர்களை காண முடிந்தது.  இந்த மலர் பொதுவாக மலைபகுதிகளில் காட்டுப்பகுதியில் வளரும் ஆனால்  இந்த மலரை சமவெளியில் புல் மண்டிய பகுதியில் இந்த செடியை கண்டதும் அதிசயித்தே.
 அதுஒரு கொடிவகை தாவரம் . அதுதான் செங்காந்தள் . செங்காந்தள் என்றவுடன் அனைவருக்கும் நினைவுக்கும் வருவது ஈழத்தின் தேசியமலர் என்று . இந்த செங்காந்தள் மலர் நம் தமிழகத்தின் மாநில மலரும் கூட . இந்த தாவரம் மலையும் மலைசார்ந்த பகுதிகளில் அதிகம் காணப்படும் . இந்த தாவரவகை செம்மண் பாங்கான நிலங்களிலும் வளரும் தன்மைகொண்டது. இந்த மலர் இலங்கை, இந்தியா, சீனா, மலாக்கா தீபகற்பம், சிங்கபூர் ,அயனமண்டல ஆபிரிக்கா முதலான பகுதிகளிலும்காணப்படும்.மற்றும் இந்த மலர் ஜிம்பாபே நாட்டின் தேசியமலர்.

செங்காந்தள் மலரின் வேறு பெயர்கள் :        
            
           செங்காந்தள் மலருக்கும் வழங்கப்படும் சில பெயர்கள் தமிழகத்தில் இந்த  மலரை கார்த்திகை மலர் என்று  சங்ககாலத்தில் வழங்கப்பட்டதன் காரணம்  இந்த மலர் கார்த்திகை திங்களில் அதிகம் மலரும் அதனால் இவற்றுக்கும்  இப்பெயர் வந்தது .கார்த்திகைச் செடியானது வேலிகளிலும்,  பாதையோரங்களிலும், காட்டோரங்களிலும் படர்ந்து நிமிர்ந்து அழகிய விரல்கள் சுடர்கள் போலவும் காணப்படும். இதன் பூ தீச்சுவாலை போலக் காணப்படுவதால் அக்கினிசலம் என அழைக்கப்படுகிறது.பூவின் நிறம் இருவேறாக மாறுபடுவதால் இதனை வெண்காந்தள் அல்லது செங்காந்தள் என்ற இரு வேறு வகைகளாக வருணிப்பார்கள். இந்த மலரை போற்றி கவிதை பாடாத புலவர்களே இல்லை. காந்தள் மலர்களை புலவர்கள் பெண்களின் விரல்களுக்கு உவமையாக கூறுவர். இத்தாவரம் வளைந்து பற்றுவதால் கோடல், கோடை என்றும் அழைக்கப்படும். நாட்டு மருத்துவத்திலே இதனை வெண்தோண்டி எனவும் அழைப்பர்.பூவின் நிறம் இருவேறாக மாறுபடுவதால் இதனை வெண்காந்தள், செங்காந்தள் என்ற இரு வேறு வகைகளாக வருணிப்பார்கள். கிழங்கு பிரிந்து கணுக்கள் உள்ளதை ஆண்காந்தள் என்றும் கணுக்களில்லாததைப் பெண்காந்தள் என்றும் குறிப்பிடுவர்.

தாவரத்தின் தோற்றம் (அமைப்பு ):
               
     இந்த தாவரத்தின்  அமைப்பானது  இது ஒரு கொடிவகை தாவரம் பசுமையானது வலுவில்லாதது இந்த தாவரம் மற்ற செடிகளின் மீதும் மற்றும் வேலிகளின் மீது புதர்கள் மீது படர்ந்து வளரும் தன்மை கொண்டது .இந்ததாவரம் 1௦ முதல் 2௦ அடி உயரம் வளரும் தாவரம் .இந்த தாவரம் கிளைவிட்டு வளரும் வகை இது ஒரு கிழங்கு வைக்கும் தாவரம் , இதன் கிழங்கு கலப்பை போன்ற அமைப்பில் இருக்கும் .இத்தாவரத்தின்  இலைகளுக்கு காம்புகள் இல்லை
பூவின் அமைப்பு சற்று வேறுபட்டு இருக்கும் . இதன் பூ இலைக்கக்கத்தில் தனியாக இருக்கும். அல்லது கிளைகளின் நுனியில் இலைகள் நெருங்கியிருப்பதால் சமதள மஞ்சரி போலத் தோன்றும். அகல் விளக்குப் போன்ற, ஆறு இதழ் கொண்ட இப்பெரிய பூக்கள் செப்டம்பர் தொடக்கம் முதல் ஜனவரிவரியிலும் , மற்றும் மார்ச் மாதத்திலும் மலர்கின்றன. இதன் இதழ்கள் குறுகி நீண்டு ஓரங்கள் அலைபோல நெளிந்திருக்கும். தளை அவிழ்ந்த மலர் ஏழு நாட்கள் வாடாமல் இருக்கும். இதழ்களில் நிறம் முதலில் பச்சை, பிறகு வெண்மை கலந்த மஞ்சள். பிறகு மஞ்சள், பிறகு செம்மஞ்சள், பிறகு துலக்கமான சிவப்பு (Scarlet) நீலம் கலந்த சிவப்பாக மாறிக்கொண்டு போகும்.
இதழ்கள் விரிந்து அகன்றோ, பின்னுக்கு மடங்கிக் கொண்டோ இருக்கும்.

மருத்துவகுணம் :

இந்த தாவரம் இந்திய சித்தமருத்துவத்திலும் யுனானி மருத்துவத்திலும்  முக்கியமாக பயன்படுத்தபடுகிறது . இந்த தாவரத்தின் கிழங்கு சற்று விஷத்தன்மை கொண்டதாகும் இதை நேரடியாக உட்கொள்ள கூடாது  .  இத்தாவரத்தில் சுபர்பின் மற்றும் கோல்சிசின் ஆகிய மருந்துப் பொருட்கள் இதில்கிடைக்கின்றன .இந்த கிழங்கில் உள்ள நஞ்சு ஆங்கிலமருத்துவத்திலும் பயன்படுத்தபடுகிறது.

          வாதம், மூட்டுவலி, தொழுநோய் குணமாக்கப் பயன்படுவதுடன் பேதி, பால்வினை நோய் வெண்குட்டம் ஆகியவற்றிக்கும் மருந்தாகப் பயன்படுகிறது. பிரசவ வலியைத் தூண்டும் மருந்தாகவும், ஆற்றலூட்டும் குடிப்பானாகவும் இருப்பதுடன், தலையில் வரும் பேன்களை ஒழிக்கவும் பயன்படுகிறது. குடற்புழுக்கள், வயிற்று உபாதைகள் மற்றும் தேள், பாம்புக்கடிகளுக்கு நல்லதொரு மருந்து. இக்கொடியினைக் காட்டிலும் விதைகளில் தான் அதிக அளவு கோல்சிசின் மருந்து காணப்படுவதால் விதைகள் மிகுதியான உள்ளன. அதனால் இந்த தாவரத்தை பல நாடுகளுக்கு ஏற்றுமதியும் செய்கின்றனர் .முன்பு இந்த தாவரத்தை நம் சித்தவைத்தியத்தில் பயன்பாடு அதிகம் இருந்தது .இதன் இலை மற்றும் தண்டு நம்மேல் பட்டால் தோலில் அரிப்பு உண்டாகும்

தற்போது இந்த தாவரம் அழிந்து வரும் இனங்களில் சேர்கப்பட்டுள்ளது . இந்த தாவரத்தை பாதுகாக்க வேண்டியது நம் கடமையே . முடிந்தவரை இந்த தாவரத்தை நாமும் நம் வீட்டில் வளர்ப்போம் .இன்று இந்த தாரவரத்தை மலைபகுதிகள் வனப்பகுதியில் காணலாம் . 

எங்கள் தமிழ் தாயின்  கை விரல்கள் இந்த செங்காந்தள் மலர்களின் இதழ்கள் போன்று அழகுடன் அவள் கையில் இட்டு மருதாணி சிவந்து காணப்படுவது இந்த மலரை ஒத்து இப்படி ஒரு கோவை பழம்போல் இப்படிதான் சிவந்து இருந்திருக்கும் போலும்
மலைபகுதில் காடுகளில் பூத்துக் குலுங்கிய மலரில் இந்த பூக்கள் தற்போது நகரங்களில் சாலையோரங்களில் பூத்து குலுங்குகின்றன . இதை காணும போது  மனதில் தமிழனுக்கும் இத்தனை ஆண்டுகள் இழைக்கப்பட்ட அநீதியானது தற்போது மங்கி மறைந்து மீண்டும் நம் தமிழீழம் புத்துயிர் பெறும் மற்றும் வந்தேறிய அன்னியர் கையில் சிக்கிக் தவிக்கும் தமிழர் வாழ்வும் மீண்டும் புத்துயிர் பெரும் என்ற நம்பிக்கை மேலோங்கியது
வாழ்க தமிழர்  !!!                                                             வாழ்க தமிழினம் !!!
                    தமிழன்னையின் புகழ் பாரெங்கும் ஓங்கி பரவட்டும் 

                                                      - ஆ.தெக்கூர் காண.இராம.நா.இராமநாதன்

மருதமும் அந்த நிலத்தின் தெய்வமும் ( இந்திர விழா ):

சில நாட்களுக்கும்  முன்பு ஒரு பதிவை முகநூல் வலைத்தளத்தில்  காண நேர்ந்தது . சோழர்கள் காலத்தில் பொங்கல் திருநாள் என்பதை கொண்டாமல் அவர்கள் இந்திர விழாவை தான் வெகுவிமர்சையாக கொண்டாடப்பட்டது . சோழர்கள் உழவர் திருநாள் என்று வெகு விமர்சையாக கொண்டாடி விவசாயிகளை பெருமை படுத்தாமல் விட்டுவிட்டனர் . ஆனால் நாயக்க மன்னர்கள் தான் பொங்கல் விழாவை சிறப்பாக கொண்டாடி ஊக்குவிக்கும் வகையில் அமைத்தனர் என்றும் சோழர்களை இகழ்த்திடும் வகையில் இருத்தது அதனால் இந்த பதிவு தோன்றிட வழிவகை செய்தது .
சோழர்கள் ஆண்ட சோழதேசம் மருத நிலம் . தமிழன் தங்கள் வாழ்ந்த பகுதியை ஐந்தாகப் பிரித்து வாழ்ந்தான் அதுமட்டுமா அந்த ஐந்து நிலத்திற்கும் கடவுள்கள் , தொழில் , இசை என்று எல்லாம் பிரித்து வாழ்ந்தனர் . அதன்படி சோழதேசம் மருத நிலமும் நெய்தல் நிலமும் சார்ந்த பகுதியாக விளங்கியது . அதனால் சோழர்கள் தங்கள் நிலத்தின் தெய்வமான இந்திரனையும் , நீரின் தெய்வமான வருணனையும் போற்றி வழிபாடு செய்வதே தமிழர் விழா . இதை சோழன் மட்டும் செய்யவில்லை இது மதுரையிலும் பாண்டியர்கள் நிகழ்த்தினர் . இந்த விழா சோழதேசத்தில் வெகு சிறப்பாக சித்திரை மாதத்தில் 28 நாட்கள் கொண்டாடி மகிழ்ந்தார்கள் . தமிழர்க்கு சித்திரை மாதமே முதல் மாதம் வருடப்பிறப்பும் ஆகும் . இன்றும் இந்த சித்திரையை தமிழ் வருடப்பிறப்பு இல்லை என்று புரியாத மூடர்கள் பொய்யுரை செய்து மக்களிடம் குழப்பத்தை ஏற்படுத்தி விட்டனர் . இந்த இந்திரவிழா தமிழர்கள் மழைக்கடவுளான இந்திரனையும் வருணனையும் வழிபட்டு தங்களுக்கு பிறந்திருக்கும் இந்த வருடத்தில் சிறப்பாகவும் போதிய மழை தங்கள் விவசாயத்திற்கும் வேண்டி வழிபாடு செய்வது வழக்கமாக கொண்டு வாழ்ந்துவந்தனர் . இந்திர விழாவில் இந்திரனையும் வருணனை மட்டும் வழிபாடு செய்யாது . கொற்றவை தங்கள் ஊர் காவல் தெய்வங்கள் போன்ற எல்லாத் தெய்வங்களையும் அரசு சார்பாகவும் தங்கள் அவரவர் விருப்பு வெறுப்பு இன்றி அனைவரும் ஒன்றாக இணைந்து பொங்கல் வைத்து சிறப்பாக பலி கொடுத்ததும் வழிபட்டனர் . இறுதியாக இந்திராணியும் வருணனையும் போற்றி வழிபாடுகள் செய்தும் இந்திரனை போற்றி ஆடியும் பாடியும் பட்டிமன்றங்கள் போன்றவைகள் சிறப்பாக நிகழ்த்தி வழிபாடுகள் செய்தனர் . இந்த விழாக்களை சான்று கூறும் வகையில் சிலம்பு மணிமேகலை, தொல்காப்பியம் போன்ற நூல்கள் கூறுகின்றனர் .
முன்பும் தை மாதத்தில் அறுவடைத் திருநாள் விழாவும் நிகழ்ந்தது, இந்த விழாவையும் கொண்டாடினர் . தமிழர் தங்கள் நிலத்தின் தெய்வத்தை போற்றியே வழிபட்டனர் . சூரியன் பொதுத் தெய்வம் . அவனையும் போற்றித்தான் வழிபட்டனர் .
ஆரியர்களும் விஜயநகர அரசர்களும் வந்தேறிய பின் ஐந்து நிலத்தின் அமைப்பும் பல குழப்பங்களும் உட்பட்டு பல மாற்றங்கள் ஏற்பட்டது . ஆசுவிகக் கொள்கையில் வாழ்ந்தவர்கள் நம் தமிழர்கள் . இதில் இருந்து தான் திரிந்தது சமணம். சோழதேசத்தில் சமணம் , ஆசுவிகம் , சைவம் போன்ற மதங்கள் இருந்தன . ஆரியர் வந்த பின் பல மாற்றங்கள் நிகழ்ந்தது . நாம் இன்று செய்யும் எல்லை தெய்வ வழிபாட்டில் உள்ள ஐயனார், கருப்பர் போன்ற தெய்வங்கள் இந்திரன் பெயர் திரிவே ஐந்திரன் ஆனது பின் அது ஐயனார் ஆனது . நாம் செய்யும் கருப்பர் வழிபாடுஇவ்வாறு கூறுகின்றனர்
சிலப்பதிகாரத்தில் வரும் “தேவர் கோமான் ஏவலிற் போந்த காவற் பூதத்துக் கடைகெழு பீடிகை” எனக் குறிக்கப்பட்டிருப்பது யாரை? அநேகமாக கருப்பண்ணசாமியைக் குறிக்கலாம் என்றே தெரிகின்றது. அந்த பூதம் இந்திரனின் ஏவலால் பூமிக்கு வந்ததாகவும், நிணத்துடன் பொங்கல் முதலிய படையல்களை ஏற்றுக் கொள்வதாகவும் சிலம்பு கூறுகின்றது. மேலும் மறக்குலத்தினர் அந்த பூதத்திற்கு அவரை, துவரை போன்ற பயிர்வகைகளையும் படைத்து, மலர் தூவி, புகை எழுப்பி வாழ்த்தினர் எனக் குறிப்பிடுகின்றது. சாம்பிராணிப் புகையும், பலியும் கருப்பண்ணசாமிக்கே சிறப்பாக உரித்தானதாகும் (அவரைப் போன்ற சில சிறுதெய்வங்களுக்கும் உண்டு). மேலும் வீரர்கள், வில், வேல், வாள், ஈட்டி போன்றவற்றை அந்த பூதம் முன் வைத்து வெற்றி வேண்டி வழிபட்டதாகவும் சிலப்பதிகாரம் கூறுகின்றது. இப்பொழுதும் கருப்பண்ணசாமி வில், வேல், வாள், ஈட்டி பலவேறு ஆயுதங்களைத் தாங்கியவராகத் தான் காட்சி அளிக்கின்றார். அதே போன்று சாம்பிராணி தூபம் போட்டே வழிபாடுகள் நடக்கின்றது.
மேற்கொண்ட தகவல்களை எல்லாம் வைத்துப் பார்க்கும் பொழுது அந்தப் பூதம் தான் பிற்காலத்தில் கருப்பண்ணசாமியாக மாறி இருக்க வேண்டும் என்றும் அந்த பூதத்தை ஏவலாகக் கொண்ட, யானை வாகனம் உடைய இந்திரன் தான் பிற்காலத்தில் ஐய்யனார் ஆனார் . இந்த வழிபாடு தற்போதும் இந்த வழிபாடு தற்போதும் திருச்சி ,புதுகோட்டை , சிவகங்கை , விருதுநகர் , மதுரை போன்ற பகுதிகளில் எல்லைத் தெய்வங்களுக்கும் மதுக்குடம் எடுப்பு , புரவிஎடுப்பு ( குதிரை , காளை) போன்ற மண் பொம்மைகளை கொண்டு சென்று காணிக்கையாக செலுத்தப்படும் இந்த விழா வைகாசி மற்றும் ஆணி மாதத்தில் இன்றும் நம் தென்மாவட்டங்களில் நிகழ்கிறது .
மேலும் ஒரு தவறான கருத்து நம் தமிழர்களிடம் நிலவுகிறது .ஐயனார் வழிபாடு என்பது சாஸ்தா வழிபாட்டில் இருந்து மருவியதே என்று கூறுகின்றனர் . இது முற்றிலும் ஏற்கத்தக்க வகையில் உள்ளது அல்ல . இது நம் தமிழர் வழிபாடே . எப்படி எணில் மலையாளம் தமிழில் இருந்து திரிந்ததே . ஆரியர்கள் அதிகம் அரேபியக் பெருங்கடல் பகுதில் ஆதிகம் குடியேறிய பின் தமிழும் சம்ஸ்க்ருதமும் கலப்பே மலையாளம் . நாம் செய்த இந்திர வழிபாடுதான் இன்று ஐய்யனார் வழிபாடு அதை நாம் தெளிவாக புரிந்துகொள்ள வேண்டும் . சாஸ்தா வழிபாடும் ஐய்யனார் வழிபாடும் ஒன்றுதான் . அதற்காக மலையாள தேசத்தில் இருந்துதான் ஐய்யனார் மற்றும் கருப்பர் வழிபாடு அங்குகிருந்து தான் வந்தது என்பது ஏற்புடையது அல்ல . நாம் நம் வரலாற்றை தெளிவாக ஆராய்ந்து தெரிந்து கொள்ளவேண்டும் .



இன்று இந்திர விழா இல்லாமல் வழக்கொழிந்து விட்டது . இன்று இந்த விழா சில சிவாலயங்களில் நிகழ்கிறது . புதன் ஸ்தலம் என்று அழைக்கப்படும் திருவெண்காடு மற்றும் சாயவனம் போன்ற சில தலங்களில் நிகழ்கிறது .

இந்திரவிழாவின் திரிவாக தென்மாவட்டங்களில் இன்று  ( நம் செட்டிநாட்டில் ) வைகாசி ஆணி மாதத்தில் எல்லை தெய்வாமாக உள்ள ஐய்யனார் மற்றும் கருப்பர் போன்ற தெய்வங்களுக்கும் பொங்கல் வைத்தும் புரவிகளை கொண்டு சென்று விட்டுவிட்டும் ஐயனார் ( இந்திரனுக்கும் ) சைவப் படையல் இட்டும் கருப்பருக்கும் புள்ளி ( பலி காணிக்கை ) கொடுத்ததும் வழிபாடுகள் இன்றும் இவை நிகழ்கிறது. இந்த விழாவின் நோக்கம் நல்ல மழை வேண்டும் என்றும் பிறந்துள்ள புத்தாண்டில் எல்லாம் நன்றாகா அமையவேண்டும் . விவசாயம் நல்ல முறையில் அமோகமாக நிகழ வேண்டும் என்பதேயாகும் .



வாழ்க தமிழர் !!!! வாழ்க தமிழர் !!!!

                                                           - ஆ.தெக்கூர் . கண. இராம. நா.இராமநாதன்

என் முதல் கட்டுரை

முகநூல்( www.facebook.com/nnagarathar ) நகரத்தார் பக்கத்திற்காகவும் அந்த பக்கத்தின் வலைபக்கதிர்காகவும்   சென்ற ஆண்டு ஆகஸ்ட் மாதம் நான் எழுதிய முதல் கட்டுரை . இந்த கட்டுரை எமக்கும்  நிறைய செய்திகளையும் நகரத்தார்களின்  செல்வசெழிப்பையும் எமக்கும் தெரியப்படுத்தியது . இத்தனை நகைகள் இவற்றின் தனித்துவமான பெயர்கள் இவைகளில் அழகான தமிழ் பெயர்கள் போன்றவைகள் இவற்றை இன்றும் நகரத்தார்கள் இவ்வாரே தமிழ் பெயர்கள் கொண்டே அழைகின்றனர்.

செட்டிநாட்டு நகைகள் ஒருதொகுப்பு :
நமது செட்டிநாட்டு பகுதிகளில் நாம் பயன்படுத்து சில நகைகளின் பெயர்களும் அதை பற்றியும் இங்கு நாம் பார்போம் . வைர நகைகளும் தங்க நகைகளும் நமவர்களில் இருபாலரும் அணியகுடியவையே .
முதலில் நம் ஆண்கள் அணியும் நகைகளை பற்றி பார்போம்
அரும்புதடை - மோதிரம்
சங்கிலி
குருமாத்து - கைசங்கிலி
கால்மோதிரம் - ஆண்கள் அணியும் மிஞ்சி ( மெட்டி )
தண்டை - காலில் அணியப்படும் வெள்ளியால் செய்த ஒருவித வளையம்
கௌரி சங்கம் - கௌரி சங்கம் என்பது ஒரு உருத்திராட்ச மாலையாகும். இந்த கௌரிசங்கத்தில் உருத்திராட்சங்களை ஒன்றுடன் ஒன்றாக இணைக்கும் இணைப்புகள், தொங்கட்டான் (பெண்டன்ட்) போன்றவை தங்கத்தில் அமைக்கப்படுகிறது. இந்தத் தொங்கட்டானில் ரிசபாருடர் எனும் ரிசப வாகனத்தில் சிவசக்தி சமேதராக அமர்ந்திருக்கும் வடிவம் பொறிக்கப்பட்டிருக்கும்
நட்சத்திர தோடு - இது சிறு பிள்ளை களுக்கு அணிவிகபடும் நகை ஆகும் . எதில் சில்லர் வைரக் கற்கள் அல்லது வெள்ளை பூகற்கள் பதித்து வைத்திருப்பர் . இது ஆண் / பெண் இரு குழந்தைகளுக்கும் அணியபெரும் நகையாகும்

நமது ஆச்சிகள் பயன்படுத்து / பயன்படுத்திய சில நகைகளின் பெயர்களை அதை பற்றியும் இங்கு பார்போம்.
கழுத்திரு - இது செட்டிநாட்டு அணிகலன்களுள் ஒன்றாகும். நகரத்தார் தாலி என்றும் அழைக்கப்படுகிறது. திருமணம் அல்லது சாந்திக் கல்யாண (சஷ்டியப்த பூர்த்தி) நாளன்று மணமகனால் மணமகளுக்கு அணிவிக்கப்படும் ஒரு வகையான கழுத்து அணிகலன் ஆகும்.
கண்டசரம் - வைரகற்கள் பதிக்கப்பட்ட கழுத்தை ஒட்டி அணிவிக்கப்படும் ஒரு வகையான கழுத்து அணிகலன் .
மங்களச்சரம் - தாலி மற்றும் தாலி சங்கிலி முழுவதும் வைரகற்கள் பதிக்கப்பட்ட ஒரு வகை அணிகலன் .
பூச்சரம் - இது பூ வேலைப்பாடுகலுடன் கூடிய தங்கச்சங்கிலி முழுவதும் வைரகற்கள் பதிக்கப்பட்ட ஒரு வகை அணிகலன் .
முத்து மாலை - இது தங்கச்சங்கிலியில் முழுவதும் உயர்ரக முத்துகலால் கோர்க்கபட்ட மாலை . இது ஒரு வகை கழுத்து அணிகலன் .
பாசிமாலை - இது தங்கச்சங்கிலியில் கருகுமணி என்று அழைக்கப்படும் பாசி மணிகளால் கோர்க்கபட்ட மாலை . இது ஒரு வகை கழுத்து அணிகலன் .
வைரக்காப்பு - இது தங்கத்தால் ஆன வளையலின் வெளிப் பகுதிகளில் வைரக்கற்கள் கொண்டு பதிக்கப்பட்ட ஒரு வகையான கையில் அணியகுடிய அணிகலன் .
நெளிகாப்பு - இது தங்கத்தால் ஆன வளையைல் போன்ற அமைப்பில் நெளி நெளி யாக வளைந்து காணப்படும் . இது சாதாரணமாக வீட்டில் உள்ளபோது அணிந்து கொள்ளப்படும் நகைகளில் ஒன்று .
கல்லுக்காப்பு - இது தங்கத்தால் ஆன வளையைல் போன்ற அமைப்பில் வெளிப்புறத்தில் வண்ணக்கற்கள் பதிகபட்டிருகும் .ஒரு வகையான கையில் அணியகுடிய அணிகலன் . ( நீலகல்லுக்காப்பு , சிவப்புகல்லுக்காப்பு , பச்சைகல்லுக்காப்பு )
முத்துக்காப்பு - இது தங்கத்தால் ஆன வளையைல் போன்ற அமைப்பில் வெளிப்புறத்தில் உயர்ரக முத்து பதிகபட்டிருகும் .
பாசிக்காப்பு - இது தங்கத்தால் ஆன வளையைல் போன்ற அமைப்பில் வெளிப்புறத்தில் கருகுமணி என்று அழைக்கப்படும் பாசி பதிகபட்டிருகும் .
வைரத்தோடு - தங்கத்தால் செய்த தோட்டில் முழுவது வைரக்கற்கள் பதிகபட்டிருகும் . ( இதில் ஏழு கல்லு , பதிமுனு கல்லு பதித்தது என்று கணக்குகள் உள்ளன )
வெள்ளகல்லு தோடு - தங்கத்தால் செய்த தோட்டில் வெள்ளை கற்கள் பதிகபடிருகும் . இது சாதரணமாக வீட்டில் உள்ளபோது அணியப்படும் நகையாகும்
பாசித்தோடு - தங்கத்தால் செய்த தோட்டில் இடையில் கருகுமணி பதிகபட்டிருகும் . இதுவும் சாதரணமாக வீட்டில் உள்ளபோது அணியப்படும் நகையாகும்

முத்துத்தோடு - தங்கத்தால் செய்த தோட்டில் இடையில் உயர்ரக முத்து பதிகபட்டிருகும் .
முத்துமோதிரம் / முத்து அரும்புதடை - தங்கத்தால் ஆன அரும்புதடையில் முத்து பதிக்கபட்டிருகும் .
அரும்புதடை - வைரவேட்டு வரிகள் அல்லது பூ நெளிகள் கொண்டு செய்யபட்டிருக்கும் . இதில் யனை முடி பதிக்க பட்டிருக்கும் . இரண்டு வரி அமைப்புகள் கொண்டிருக்கும் . இது கை விரல்களில் அணியப்படும் ஆபரணம் ஆகும் .
மிஞ்சி - இது வெள்ளியால் செய்த ஆபரணம் ஆகும்
( மெட்டி ). கால் விரல்களில் அணியகுடிய ஒன்று . இதில் ஒரு தனி சிறப்பு என்னவென்றால் நம் ஆச்சிகள் மட்டும் கால் விரல்களில் மூன்று வலயங்கள் அணிதிருபர்கள்
இரட்டவடசங்கிலி - இது இரண்டு சங்கிலிகள் ஒன்றோடு ஒன்று சிறிது இடைவெளி விட்டு பினைகபட்டிருக்கு இதில் தாலியை கோர்த்து அணிவர்
ஒற்றை வட சங்கிலி - இது சாதாரணமான தங்க சங்கில்லியாகும் . எதில் தாலியை கோர்த்து அணிவர்
மாங்கா மாலை - இது தங்கத்தால் செய்யப்பட்ட ஒன்று . இது மங்காய் வடிவில் சிறிதாக இருக்கும் . சங்கிலியின் இடையில் சிறு மாங்காய் வடிவ அமைப்புகள் கொர்கபட்டிருகும்


முற்காலத்தில் நமது ஆச்சிகள் தலையில் குத்தும் கொண்டை உசி , உக்கு , சேலையில் குத்த கூடிய உக்குகள் கூட தங்கத்தில் பயன்படுத்தினார்கள் என்பது குறிப்பிடத்தக்கது . மற்றும் செட்டியார்கள் தங்கள் சட்டையில் குத்திக் இருந்த பதக்கம் போன்றவைகை வைரம் , சிவப்பு கற்கள் ,நவரத்தினம் போன்ற கற்கள் கொண்ட பாதகங்களை பயன்படுத்தினர் .

செட்டிநாட்டின் தனிச்சிறப்பு ஆச்சிகள் முன்பு காலில் சிலம்பு , கொலுசுகள் போன்றவைகளை அணிய மாட்டார்கள் . திருமணத்திற்கும் முன்பு அணிவர் . திருமணத்திற்கும் பின் முன்பு அணியமாட்டார்கள் . பின் பிள்ளைகள் பிறந்த உடன் இவற்றை தவிர்த்து வந்தனர் . தற்போது சிலர் இவற்றை இன்று அணிகின்றனர் . பலர் கொலுசுகளை அணிவதில்லை . இதற்கும் காரணம் நகரத்தார்கள் கண்ணகியின் வழிவந்தவர்கள் . கார்சிலம்பால் கண்ணகி கோவலனை இழந்ததன் நினைவாக கொலுசு , சிலம்பு போன்றவைகளை ஆச்சிகள் திருமணத்திற்கும் பின் அணிவதில்லை .

. நமது வழக்கத்தில் கட்டயமாக பெண் பிள்ளைக்கு திருமணத்தின் பொது கட்டாயமாக வைரைத் தோடும் அதற்கு மாற்று தோடும் தருவர் .அதே போன்று மணமகனுக்கு வைர மோதிரமுன் வழங்குவது கட்டயமாக உள்ளது . இதை நகைகளில் கணக்கு எடுத்தது கொள்ளபடமார்கள்
ஒருநகை என்றால் பெண்ணுக்கு கன்டசரம் மட்டு கொடுப்பார்கள்
இரண்டு நகை என்றால் பெண்ணுக்கு கன்டசரமும் வைரக்காப்பும் தருவார்கள் அல்லது பூச்சரமும் கன்டசரமும் தருவார்கள் ( கன்டசரம், பூச்சரம் , வைரக்காப்பு , மங்களச்சரம் இவைகளில் எதேனும் இரண்டு தருவார்கள் )
முன்று நகை என்றால் பெண்ணுக்கு கன்டசரம் ,மங்களச்சரம் வைரக்காப்பும் தருவார்கள் அல்லது (கன்டசரம், பூச்சரம் , வைரக்காப்பு , மங்களச்சரம் இவைகளில் எதேனும் மூன்றை தருவார்கள் )

                                                            - ஆ.தெக்கூர் கண. இராம. நா. இராமநாதன்

யாழ்

யாழ் : 

அழிந்து போன தமிழனின் பழந்தமிழ் இசைக்கருவிகளுள் இதுவும் ஒன்று . இந்த யாழ் இந்த யாழ் பற்றி நம் தமிழ் குடிமக்கள் காப்பியங்களான சிலம்பும் மேகலையிலும் பல எண்ணற்ற செய்திகள் உள்ளன . இதுமட்டும் இல்லாது திருக்குறளிலும்,சீவகசிந்தாமணி ,கலித்தொகை, பரிபாடல் , போன்ற நூல்களும் இது பற்றி உறைகின்றனர்

யாழின் அமைப்பு

யாழ் ஒரு மீட்டி வாசிக்கக்கூடிய நரம்புக்கருவி. இதன் இசையொலி பெருக்கி (resonator) தணக்கு எனும் மரத்தால் செய்யப்பட்டது. இது படகு வடிவமாய் இருக்கும். மேலே தோலால் மூடப்பட்டிருக்கும். இந்தத் தோலுக்குப் போர்வைத்தோல் என்று பெயர். போர்வைத்தோலின் நடுவிலுள்ள மெல்லிய குச்சியின் வழியாக நரம்புகள் கிளம்பி மேலே உள்ள தண்டியுடன் பிணைக்கப்பட்டிருக்கும். சில யாழ்களில் மாடகம் அல்லது முறுக்காணிகள் இருந்தன. அத்தகைய யாழ்களில் நரம்புகள் தண்டியின் துவாரங்களின் வழியாகச் சென்று முறுக்காணிகளில் சுற்றப்பட்டிருக்கும். சிலவற்றில் நரம்புக்கட்டு அல்லது வார்க்கட்டு தண்டியில் வரிசையாகக் காணப்படும். வார்க்கட்டுகளை மேலும் கீழுமாக நகர்த்தி நரம்புகளைச் சுருதி கூட்டினர்.

சங்க நூல்கள் யாழின் உறுப்புகளாக;

பத்தல் ,வறுவாய் ,யாப்பு ,பச்சை ,போர்வை ,துரப்பமை ஆணி ,உந்து ,நரம்பு, கவைக்கடை,மருப்பு ,துவவு

ஆகியவற்றைக் குறிப்பிடுகின்றன.. 


இந்த யாழிலும் பல வகைகள் உள்ளன . அவற்றில் சில வகைகள்

வில்யாழ்(21 நரம்புகளை உடையது)
பேரியாழ் (21 நரம்புகளை உடையது)
மகரயாழ் (17 அல்லது 19 நரம்புகளை உடையது)
சகோடயாழ் (16 நரம்புகளை உடையது)
கீசக யாழ் (14 நரம்புகளை உடையது)
செங்கோட்டியாழ் (7 நரம்புகளை உடையது)
சீறியாழ் (7 நரம்புகளை உடையது)
மகர வேல்கொடி யாழ்
மகர யாழ் / காமன் கொடி யாழ்
மகர யாழ் / வர்ணர் ஊர்தி யாழ்


இவற்றைவிட நாரதயாழ், தும்புருயாழ், மருத்துவயாழ், ஆதியாழ் (100 நரம்புகளை உடையது)
மகர யாழ் யவன தேசத்திலிருந்து எடுத்துவரப்பட்டதாகக் கூறப்படுகிறது

யாழ் இசைத்து பாணர்கள் இறைவனையும் மன்னர்களையும் வேண்டி பாடுவார் . இலங்கையில் யாழ்பாணம் என்ற ஒரு நகரம் உண்டு அதற்கு அப்பெயர் வர காரணம் . இதுவும் ஒன்று . யாழ் இசைத்து பாடும் பாணர்கள் அதிகம் இங்கு வாழ்ந்தனர். யாழ் + பாணர் = யாழ்பாணர் என்ற பெயர் மருவி யாழ்பாணம் என்றானது . இன்று பாணர்களும் மறைத்து போயினர் . சில அருங்காட்சியகங்களில் இந்த யாழ் இசை கருவியை காண முடியும் . இந்த யாழை மீட்டு பண் அமைத்து பாட பாணர்களும் இல்லை இந்த இசைக்கருவி கிபி 9 ஆம் நூற்றாண்டு வரை புழக்கத்தில் இருந்தது . அதற்கு பின் இதன் புழக்கம் மெல்ல மங்கத் தொடங்கி இன்று மறைத்து விட்டது .

                                                         - ஆ.தெக்கூர் கண.இராம.நா.இராமநாதன்

இன்றைய நீர்நிலைகளின் (கண்மாய்கள் ) நிலை

தமிழகத்தில் கனமழையால் ஏரிகள் குளங்கள் நிரம்பி வழிகின்றன என்று கூறுகின்றனர் . சற்று சிந்திக்க வேண்டும் . நம் தமிழகத்தில் பாதிக்கும் மேற்பட்ட ஏரிகள் குளங்கள் துர்வாராமல் அப்படியே விட்டுவிட்டு மண் மூடி மைதானாக மாறியது . சில கம்மாய்கள் குட்டையாகவும் மாறியது . இன்று அந்த குட்டையாக மாறியுள்ள கம்மாய்கள் நிரம்பியது என்று நாம் நிம்மதி கொள்ளமுடியாது . காரணம் இவற்றில் தேங்கும் நீர் ஓரிரு மாதங்கள் தான் தாகுப்பிடிக்கும் . நாம் வறட்சியையும் போதியளவு மழை இல்லாத காலத்தில் நாம் நம் நீர் தேக்கங்களை ஆழப்படுத்தி தூர்வாரி வைத்திருந்தால் நாம் நம் மழைநீரை வீணாக்காமல் சேமித்திருக்கலாம் . இன்று நாம் நீர்நிலைகள் கரையோரமாக உள்ள பகுதிகளை குப்பைதொட்டியாக மாற்றாமல் பாத்துக்க வேண்டும் . நீர்நிலைகள் வெறும் நீர் தேக்கங்கள் மட்டும் அல்ல. இந்த நீர்நிலைகள் எல்லாம் வெறும் மழைநீர் வடிகால்கள் அல்ல என்பதை என்று நாம் புரிந்துகொள்ள வேண்டும் .நீரிநிலைகள் இந்த உலகின் உணவுச் சங்கிலியின் முக்கியமான ஒரு பங்கு வகிக்கிறது . இன்று நீர் நிலைகள் இல்லை என்றால் அதில் வாழும் நுண்னுயிர்கள் இல்லை அவற்றை உணவாக உண்ணும் பூச்சிகள் இல்லை , அந்த பூச்சிகள் நம்பி உள்ள தவளை , மீன்கள் இல்லை இவற்றை உணவாக உண்ணும் பாம்பு கழுகு போன்ற உயிரினங்கள் உணவு ??? இப்படி நம் உலகின் உணவு சங்கிலியில் ஒன்றை ஒன்று சார்ந்து தான் உள்ளோம் . இந்த சுழற்சியில் ஒன்று பாதிக்கபட்டால் பாதிப்பு அனைவருக்கும் தான் .இந்த உணவு சங்கலியை பாதுகாக்கும் பொறுப்பு நாம் ஒவ்வொருவருக்கும் கண்டிப்பாக இருக்கவேண்டும். வெறும் மரம் நட்டால் மட்டும் போதாது . அந்த மரத்தால் நமக்கு கிடைக்கும் மழையை சேமிப்பது எப்படி ??? சற்று சிந்தியுங்கள் ???? நமக்கு இந்த இயற்கை அன்னையை பாதுகாக்க உரிமைமட்டும் தான் உண்டு அந்த இயற்கை அன்னையை சேதப்படுத்தி அழிக்க நமக்கு உரிமை இல்லை . அப்படி செய்தால் அழிவு நமக்கும் நம் சங்கதிகளுக்கும் தான் . இயற்கையை பாத்துக்காஅரசைமட்டும் தான் நம்பி இருக்கவேண்டும் என்பதில்லை நாமும் நம் கடமையை இயற்கை அளித்த கோடையை நாம் நம்மால் முடிந்ததை செய்யவேண்டும்.

பிள்ளையார்பட்டி குளம்

ஊரணி

                                                                                                                                                                இன்று குடிக்கும் நீரை கூட காசு கொடுத்து வாங்கும் அவலநிலையில் உள்ளோம். அன்று நம் தமிழகத்தில் பெய்யாதா மழையா இன்று பெய்துவிட்டது . இதை நாம் ஒவ்வொருவரும் சிந்திக்க வேண்டும் மழைநீர் நீரை நாம் சேமிப்பு செய்து நிலத்தின் நீர்மட்டத்தை பாதுகாப்போம் அன்று கட்டாய மழைநீர் சேமிப்பு திட்டத்தை அரசு கட்டாயமாகியது அன்று நாம் பெயரளவில் இதை நாமும் செய்தோம் .இன்று பல வீடுகளில் மாலை நீர் சேமிப்பு தொட்டிகள் இல்லாமல் செய்து விட்டோம் . சில வீடுகளில் சிறப்பாக இந்த முறையை பராமரித்து மழைநீரை சேமித்தும் வருகின்றனர் .


காஞ்சிபுரம் , திருவள்ளூர் , சென்னை ஆகிய மூன்று மாவட்டங்களில் மட்டும் 1200 நீரி தேக்கம் ஏரிகள் இருந்தன அவற்றை எல்லாம் பிளாட்டு போட்டு ஏரிகளுக்கும் மூடுவிழா நடத்திவிட்டு இன்று எங்கள் நகருக்குள் வெள்ளம் வந்துவிட்டது . பாம்பு மீன் தவளைகள் நீரில் அடித்துக்கொண்டு வீடுகளுக்கும் முன் வருகின்றன என்று புலம்பி என்ன பயன் . அன்று தெரிந்து வினை விதைத்தீர்களோ தெரியாமல் விதைத்தீர்களோ இன்று அவற்றைஅறுவடை அறுவடை செய்தே ஆகவேண்டும் . புலம்பி பயனில்லை . அன்று அமைத்து வைத்த ஏரிகளை நீரி தேக்கங்களாகவும் வடிகால்களாக விளங்கின அவற்றின் மீது வீட்டை கட்டி குடியேறினால் யார் என்ன செய்ய முடியும் ???? 1200 ஏரிகள் இருந்த இந்த மூன்று மாவட்டத்தில் இவற்றை பாதுகாத்து வைக்காமல் அவற்றை இன்று நாம் இழந்து விட்டோம் .இன்று சென்னைக்குள் இருக்கும் ஏரிகளை விரல்விட்டு எண்ணி விடலாம்

சிந்திப்போம் செயல்படுவோம்

நம் தமிழ்

நம் தமிழ் அன்னையின் அணிமணிகள் இவைகளே அணிந்து சிறப்பாக காட்சி தருகிறாள்
நம் தமிழ் அன்னையின் அணிமணிகளாகவும் தமிழின் பெருங்காப்பியமாகவும் விளங்குகிறது . இந்த காப்பியங்கள் எல்லாமே அணிமணிகள் பெயரை கொண்டே விளங்குகிறது. பாண்டிய மன்னன் சங்கமன் வைத்து எம்  தமிழ் அன்னையை போற்றி புகழ் பாடினான்.

சிலப்பதிகாரம்(சிலம்பு - கால்களில் அணியும் அணிகலன்)
மணிமேகலை (மேகலை -ஆடை நழுவாமலிருக்க மகளிர் இடுப்பில் அணியும் அணி)
குண்டலகேசி - (குண்டலம் என்பது மகளிர் அணியும் காதுவளையம்) குண்டலமும் கூந்தல் அழகும் கொண்டவள் குண்டலகேசி
வளையாபதி - வளையல் அணிந்த பெண் வளையாபதி
சீவகசிந்தாமணி - சிந்தாமணி என்பது அரசன் முடியில் (கிரீடத்தில்) பதிக்கப்படும் மணிக்கல்.

வாழ்க தமிழ் !! வாழ்க தமிழன்னை !! வாழ்க தமிழ் குலம் !!

கீழுள்ள இந்த பாடல் இலங்கை , மலேசிய , சிங்கை போன்ற நாடுகளில் இந்த பாடலே தமிழ்த்தாய் வாழ்த்தாக உள்ளது . இந்த பாடல் நாம் இன்று பாடும் தமிழ்த்தாய் வாழ்த்துப்பாடலை விட மிகவும் சொற்சுவையும் பொருட்சுவையுடையதாக உள்ளது .

காதொளிரும் குண்டலமும்,கைக்குவளை
-யாபதியும்,கருணை மார்பின்
மீதொளிர்சிந் தாமணியும், மெல்லிடையில்
மேகலையும், சிலம்பார் இன்பப்
போதொளிர்பூந் தாமரையும், பொன்முடிசூ
ளாமணியும் பொலியச் சூடி,
நீதியொளிர் செங்கோலாய்த் திருக்குறளைத்
தாங்கு தமிழ் நீடு வாழ்க !
நால்வரிசை அமுதிருக்க, நம்மாழ்வார்
மொழியிருக்கச் சேக்கி ழாரின்
பால்வடிசெந் தமிழிருக்கக் கம்பச்சித்
திரமிருக்கப் பகலே போன்று
ஞாலத்தி லறம்விளங்கும் நாயனார்
குறளிருக்க, நமது நற்றாய்,
காலத்தை வென்றோங்கும் கற்பகம்போற்
கனிபெருகக் கண்டி லோமோ !
                                                  -சுத்தானந்த பாரதியார்

இந்த பாடல் மிகவும் சிறப்பாககவும் தமிழ் மொழியின் உள்ள காப்பியங்கள் புலவர்கள் போன்றவைகைகளையும் தமிழ் அன்னையை பற்றியும் சிறப்பாக கூறுகிறது இந்த பாடல் 

என் கற்பக விநாயகர்

ஆரியர்களும் வடநாட்டவர்கள் கொண்டுவந்த கணபதிக்கோ நான்கு கரங்கள் எங்கள் தமிழர்கள் கொண்டாடி தொழுத விநாயகருக்கோ இரண்டே கரங்கள் எங்கள் கற்பகக்தருவிற்கும்  என் முதல் வணக்கங்கள் உலகின் மிகப்பழம்பெரும் கணபதி எங்கள் கற்பகவிநாயகரே பிள்ளையார்பட்டி கற்பகம் அல்ல அல்ல குறையாத வரங்களை தரும் வள்ளல்

கற்பகக் தெய்வத்தின் மீது என் முதல் கவிப்பா

               அண்ட சராசரதிற்கு முழுமுதற் பொருளே 

               ஆற்றங்கரை ஓரத்திலும் இருப்போனே 

               இன்னல்களை போக்க வல்லவனே 

               ஈடு இணை இல்ல முதற்பொருளே 

               உலகிற்கு திருமுறைகளை தந்தவனே 

               ஊழ்வினை போக்க வல்லவனே 

               எலியையும் வாகனமாய் கொண்டோனே 

               ஏழைமை போக்கும் எளியோனே 

               ஐம்புலன்களையும் அடக்கி வாழ்த்திட அருள்போனே 

               ஒன்பது கோள்களையும் அடக்கி அல்பவனே

               ஓம் கார பிரணவத்தின் வடிவானவனே  

               ஒளவையை தும்பிக்கையால் கயிலையில் விட்டோனே 

                                                               - ஆ.தெக்கூர் கண.இராம.நா.இராமு